د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

"د پلچرخي له کوچني صنعتي پارک بايد پوځي تاسيسات لرې کړل شي"

"د پلچرخي له کوچني صنعتي پارک بايد پوځي تاسيسات لرې کړل شي"

Mar 18, 2018 - 20:13

کابل (پژواک، ٢٧ کب ٩٦): د افغانستان د صنايعو ټولنې د کابل ښار د پلچرخي کوچني صنعتي پارک نږدې سيمه کې د ځانمرګي بريد له امله له يادې سيمې د نظامي تاسيساتو د لرې کولو غوښتنه کړې ده.

چارواکو ويلي، په دغه بريد کې چې موخه يې د بهرنيانو د جي فور اس (G4S) کمپ و، درې ملکيان وژل شوي او لږ تر لږه څلور نور ټپيان شوي دي.

د يادې ټولنې مشر سخي احمد نن کابل کې د خبري ناستې پر مهال وويل، وروستيو څلورو کلونو کې په ياده سيمه کې دا پنځم ځانمرګى بريد دى.

نوموړي زياته کړه: "له حکومت او بهرنيو ځواکونو غواړو چې له يادې سيمې خپل امنيتي ځواکونه وباسي."

د هغه په وينا، په ياده سيمه کې له بريدونو د مخنيوي لپاره بايد په دغه سيمه کې نظامي تاسيسات شتون ونه لري، ځکه په دغه سيمه کې د ٦٥٠ فابريکو د جوړولو لپاره ميليونونه ډالره پانګونه شوې او شاوخوا څلور زره کسان په کې کارونه کوي.

هغه وويل، په ياده سيمه کې به د نا امنيو دوام له هېواد د پانګې د تېښتې لامل شي.

دغه راز نوموړي زياته کړه، انسان تښتونه د صنعتکارانو بله ستونزه ده او په ځينو مواردو کې امنيتي ځواکونه د صنعتکارانو او سوداګرو د امنيت ټينګښت کې پاتې راځي.

پيمان وايي، د کورنيو چارو وزارت د تګلارې پر بنسټ، هر صنعتکار ته يو ميل وسله ورکول کېږي چې دغه اندازه د يو شمېر سترو فابريکو لپاره بسنه نه کوي او په دې اړه بايد له سره غور وشي.

د افغانستان د صنايعو او کانونو خونې مشر شېرباز کمين زاده په ياده سيمه کې د ځانمرګو بريدونو له رامنځته کېدو اندېښنه څرګنده کړه او ويې ويل، له يادې سيمې بايد نورو ځايونو ته پوځي تاسيسات ولېږدول شي.

د افغانستان د صنايعو او سوداګرۍ وزارت وياند مسافر قوقندي په دغه ناسته کې وويل، کومې ستونزې چې د صنعتکارانو له لوري مطرح شوې او دغه راز د دوى ټولې غوښتنې پر ځاى دي، ټولې يې له ځانه سره ليکلې او د سوداګرۍ له وزير سره به يې شريکې کړي.

نوموړي زياته کړه، دغه ټولې ستونزې به د افغانستان د سوداګرۍ او صنايعو وزير له لوري هرومرو د کابينې په ناسته کې مطرح شي او د حل لپاره به يې ګام پورته شي.