د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

د اروزګان د ښځو چارو رياست د يوه ځوان له خوا اداره کېږي

ارشيف

ارشيف

د اروزګان د ښځو چارو رياست د يوه ځوان له خوا اداره کېږي

Mar 10, 2018 - 16:49

ترينکوټ (پژواک، ۱۹ کب ۹۶): په داسې حال کې چې په ټول هېواد کې د ښځو نړيواله ورځ نمانځل کېږي، د اروزګان د ښځو چارو رياست له تېرې يوې مياشتې راهيسې يو ځوان اداره کوي.

اروزګانۍ ښځې وايي چې په دغه ولايت کې د ښځو په نوم ځينې پروژه يي کارونه ترسره کېږي چې ښځو ته يې هېڅ ډول ګټه نه رسېږي.

د ښځو ورځ د دغه ولايت د بشري حقونو په ساحوي دفتر کې په داسې حال کې ونمانځل شوه چې لسګونو ښځو او ځايي چارواکو په کې ګډون کړى و.

فاطمه چې د ترینکوټ د ښار يوه اوسېدونکې ده، پژواک خبري اژانس ته وويل، ځيني کسان د ښځو په نامه پيسې او پروژې اخلي او بيا څو نمايشي کارونه کوي.

د هغې په وينا چې نه يواځې موسسې، بلکې د ښځو چارو رياست تر اوسه د ښځو لپاره کوم د پام وړ کار نه دى کړى.

مېرمن فاطمې وويل چې د اروزګان د ښځو چارو رييسه له تېرو شپږو مياشتو راهيسې ټاکل شوې، خو زيات وخت د رخصتۍ په نوم له اروزګان څخه بهر تېروي.

د ترينکوټ يوه بلې اوسېدونکې شبنم (مستعار نوم) پژواک ته وویل، د دغه ولایت د ښځو چارو اوسنۍ رييسه نجيبه مهرزاد له تېرې يوې مياشتې راهیسې له ولايت څخه بهر کور ته تللې او د رياست سرپرستي د مدير شريف الله روشن ته يې سپارلى دى.

د هغې په وينا، دغه ریاست يوه بله ښځه مديره هم لري خو نه پوهېږي چې رييسې ولې يو نارينه د ښځو د ریاست سرپرست ټاکلی.

شبنم وويل، د دغه ولايت د دودونو له امله چې د ښځو چارو رياست سرپرستي نارينه پر مخ وړي، ډېرى مېرمنې د خپلو ستونزو لپاره مراجعه نه کوي.

د اروزګان د ولایتي شورا مسوولین وايي چې په دغه ولایت کې نه يوازې د ښځو چارو رييسه د رخصتۍ په نوم مياشتې مياشتې بهر تېروي، بلکې نور رييسان هم خپل کارونه ددفتر پر ځاى له کورونو پرمخ وړي.

د ولايتي شورا رييس امير محمد بارکزي پژواک اژانس ته وويل چې د نجيبې مهرزاد په نوم د اروزګان د ښځو چارو د رييسې په توګه د هغی له ټاکلو سره يې مخکې هم مخالفت درلوده او دغه ستونزه يې له اړوندې وزيرې دلبر نظري سره هم شريکه کړې ده.

هغه زياته کړه چې اوسنۍ رييسه د اروزګان اوسېدونکې نه ده او دلته د ښځو د ستونزو حل ورته ناشونی دي.

د بارکزي په وينا، وزېرې ورسره ژمنه کړې وه، چې دا به لرې کوي، خو تر اوسه يې نه ده کړې او له تېرې مياشتې راهيسې د ښځو چارو رياست د يو نارينه لخوا مديريت کېږي.

د اروزګان ولايت مقام وايي، چې د ښځو چارو رييس له تېرې نږدې يوې مياشتې راهيسې په رخصتۍ تللې او لا هم نه ده راغلې.

د والي وياند دوست محمد نایاب پژواک ته وويل چې په دغه ریاست کې يوه بله ښځينه ماموره شته، خو د رييسې په نه شتون کې د چارو د سمبالښت وړتيا نه لري، نو د همدې امله يې د سرپرستۍ چارې يوه نارينه ته سپارل شوې.

Tags: