د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

وسله والو طالبانو پر چنارتو ولسوالۍ ډله ييز بريدونه پيل کړي

وسله والو طالبانو پر چنارتو ولسوالۍ ډله ييز بريدونه پيل کړي

Jan 15, 2018 - 18:22

ترينکوټ-غزني(پژواک،٢٥مرغومى٩٦): د اروزګان سيمه ييز چارواکي وايي چې وسله والو طالبانو په چنارتو ولسوالۍ ډله ييز بريدونه پيل کړي او په يوه بله پېښه کې دوه ملکي کسان په غزني کې وژل شوي دي.

د اروزګان ولایت د چنارتو ولسوالۍ امنیه قوماندان اختر محمد پژواک ته وويل چې وسله والو طالبانو له تېرو درېیو ورځو راهیسې ددې ولسوالۍ پر مرکز ډله يیز بریدونه پیل کړي او ډېر نږدې شوي دي.

هغه زياته کړه: (( که څه هم دلته تازه دمي سرتېري راغلي خو تر اوسه يې جګړه نه ده پيل کړې.))

اخترمحمد ټينګار وکړ چې د دې ولسوالۍ د امنيت ټينګښت لپاره بايد اړينه پاملرنه وشي.

دغه راز د يو بل خبر له مخې، ناپېژانده وسله والو په غزني کې دوه تنه حلال کړي دي.

د غزني د والي وياند محمد عارف نوري پژواک ته وويل چې د پېښې په تړاو تر اوسه څوک نه دي نيول شوي، خو په اړه يې پلټنې روانې دي.

هغه زياته کړه: (( دغه دوه کسان ناپېژانده کسانو د علي بابا په سيمه کې حلال کړي دي.))

د غزني د ولايتي روغتون مسوولين هم وايي چې له يادې پېښې څخه دوه تنه دوى ته ور وړل شوي دي.

د دې پېښې مسووليت تر اوسه چا پر غاړه نه دى اخيستى.