د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

په افغانستان کې د خبريالانو پر وړاندې تاوتريخوالى زيات شوى

په افغانستان کې د خبريالانو پر وړاندې تاوتريخوالى زيات شوى

Jan 11, 2018 - 18:25

کابل(پژواک، ٢١ مرغومى ٩٦): د خبريالۍ د يوه بنسټ موندنې څرګندوي چې په تېر يوه کال کې د خبريالانو پر وړاندې د تاوتريخوالي ١٦٩ موارد ثبت شوي چې د يوه کال وړاندې مودې په پرتله زياتوالى څرګندوي.

د افغان خبريالانو د خونديتوب کمېټې ((AJSC ، په ٢٠١٧ کال کې له خبريالانو او له دوى سره د شوي تاوتريخوالود شمېر په اړه د خپلو موندنو پايلې نن اعلان کړې.

د خبريالانو د خونديتوب کمېټې مشر نجيب شريفي نن په کابل کې يوې خبري ناستې ته وويل:((په ٢٠١٧ کال کې له خبريالانو سره د تاوتريخوالي ١٦٩موارد ثبت شوي چې له دې ډلې خبريالانو او رسنيزو کارکوونکو د وژنې ٢٠ موارد په کې شامل دي.))

هغه وويل چې ددې خبريالانو او رسنيزو کارکوونکو ددغې شمېرې د ټولو مواردو مسووليت چې د هغوى د وژل کېدو سبب شوي، د ترهګرو ډلو پر غاړه دى چې ١٨ موارد يې داعش او پاتې نور طالبانو تر سره کړي دي.

شريفي زياته کړه:((د خبريالانو او رسنيزو کارکوونکو پر وړاندې د تاوتريخوالي د زياتوالي عمده لاملونه په درېيو اساسي برخو لکه له مجازاتو د معافيت کلتور، د ترهګرو ډلو هدفي بريدونو او د هغوى له لوري د رسنيزو بنسټونو په نښه کولو او په هېواد کې د نا امنيو د کچې پر لوړېدو پورې اړوند ګڼلى شو.))

د خبريالانو د خونديتوب کمېټې مشر وويل:((زموږ موندنې څرګندوي چې تېر ميلادي کال د تاوتريخوالي کچه د ٢٠١٦ کال په پرتله ٦٧ سلنه لوړه شوې ده، په ٢٠١٦ کال کې مو د تاوتريخوالي ١٠١ موارد لرل چې له دې ډلې د رسنيزو کارکوونکو او خبريالانو د وژنې ١٣ پېښې په کې شاملې وې.))

د افغان خبريالانو د خونديتوب کمېټې د مرستيال قديم وياړ په خبره،  په روان زېږديز کال کې له خبريالانو سره د تاوتريخوالي ٥١ قضيې په ترهګرو ډلو او ٣٤  د دولتي چارواکو يا منسوبينو له لوري تر سره شوې چې ډېرې يې د مرکز حوزه(کابل) او د هېواد شمال او تر ټولو کمې يې په سوېل ختيځه حوزه کې رامنځته شوې دي.

وياړ څرګنده کړه چې په ٢٠١٧ کال کې  خبريالانو د ټپي کېدنې ٦١، د ناوړه چلند او سپکاوي ٣٢، د وهلو ډبولو ٢٣، د ګواښلو ١٥، د نيولو ١٢ او د خبري پوښښ له ساحې نه د غير اصولي وېستنې ٦ موارد  هم ثبت شوي دي.

د يادې کمېټې د چارواکو په خبره، په ٢٠١٧ کال کې د خبريالانو او د رسنيو د خونديتوب کمېټې ګډ کار د ٢٠١٦کال په پرتله ښه شوى، خو اړينه ده چې د خبريالانو پر وړاندې د تاوتريخوالي د مخنيوي لپاره د کمېټې تصميمونه عملي شي.