د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

د هېواد ځنګلونه او څرځایونه سلګونه جریبه زیات شوي

د هېواد ځنګلونه او څرځایونه سلګونه جریبه زیات شوي

Jan 09, 2018 - 17:39

کابل (پژواک، ١٩ مرغومى ٩٦): د کرنې وزارت وايي، د هېواد په ځنګلونو کې څه باندې پنځه زره جريبه او څرځايونو کې سلګونه جريبه زياتوالى راغلى دى.

له دغه وزارته پژواک خبري اژانس ته په رالېږل شوې خبرپاڼه کې راغلي چې د کرنې، اوبو لګولو او مالدارۍ وزارت د ۱۳۹۶ مالي کال له پلان سره سم د افغانستان د ځنګلي سیمو بیارغونه او زیاتول ډېر کړي دي.

سرچينه کاږي، د ۱۳۹۵ مالي کال په پای کې د افغانستان ځنګلونه ۲۹۹زره او ۳۵۰ جریبه ځمکه وه، خو په ۱۳۹۶ مالي کال کې د هېواد د ځنګلونو په ځمکه کې پنځه زره او ۳۵ جریبه زیاتوالی راغلی چې ورسره د افغانستان د ځنګلونو اندازه ۳۰۴زره او ۳۸۵ جریبه ځمکې ته ورسېد.

سرچينه زياتوي، دغه ځنګلونه د کرنې وزارت له خوا په خړوبولو، د سېلابونو له تخریب څخه د مخنیوي، د ځنګلي سیمو د خاورو له ضایع کېدو څخه د مخنیوي او د کنټرولي بندونو په جوړولو سره بیارغول شوي دي.

د خبرپاڼې د معلوماتو پر بنسټ، یاد وزارت د له منځه تللو ځنګلونو د بیارغونې په موخه د کونړ، بادغیس، هرات، بلخ، بدخشان، لوګر، غزني او بامیانو په ولایتونو کې د ځنګلي خاورو د ساتنې لپاره ۱۰۰۰ کنټرولي بندونه جوړ کړي دي.

د کرنې وزارت په خبرپاڼه کې دغه راز راغلي چې یاد وزارت د څړځايونو  ځمکو کچه له ۷ زره او ۵۱۵ جریبه ځمکو څخه ۹زره او ۱۱۵ جریبه ځمکو ته لوړ کړې ده. د دغو څړځايونو بیارغونه د تخمونو په شيندلو او د دغو سیمو په ساتلو شوې ده.

سرچينه کاږي، د کرنې وزارت د هرات، فراه، غور، غزني، بدخشان، بغلان، سمنګان، جوزجان او فاریاب په ولایتونو کې ۱۶۰۰ جریبه څرځایونه بیارغولي دي.

د کرنې وزارت په يوه بله جلا خبرپاڼه کې بيا ويلي چې دغه وزارت په هېواد کې د کبانو د روزنې زیاتولو او د کبانو د غوښې له پلوه د ځان بساینې په موخه د ننګرهار او بلخ په ولایتونو کې د کبانو د روزنې ۲۰ فارمونه او د ننګرهار او بلخ په ولایتونو کې د کبانو د تولید د دوو فارمونو چارې بشپړې او ګټې اخیستنې ته سپارلې دي.

سرچينه زياتوي چې په دې سره به په ننګرهار او بلخ  کې د کبانو د روزنې ۲۰ فارمونه هر کال ۱۸ ټنه غوښه عرضه کوي.