د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

بدخشان کې د نا مسوولو وسله والو يوه قوماندان واورين پړانګ ښکار کړى

بدخشان کې د نا مسوولو وسله والو يوه قوماندان واورين پړانګ ښکار کړى

Jan 02, 2018 - 15:52

فيض اباد (پژواک، ١٢ مرغومى ٩٦): د بدخشان ولايت سيمه ييز چارواکي وايي چې د دغه ولایت يوه نا مسوول وسله وال قوماندان د ياد ولايت په زيباک ولسوالۍ کې يو کم پيدا واورين پړانګ په غير قانوني ډول ښکار کړى دى.

د بدخشان د اوبو لګولو، کرنې او مالدارۍ مشر محمد علم عالمي وويل چې دا ډول واورين پړانګ د بدخشان په پامير کې له کم پيدا حيواناتو بلل کېږي چې د دولت له لوري يې ښکار منع دى.

سرچينې زياته کړه، دغه پړانګ هغه مهال ښکار شوى چې د سيمې د يوه اوسېدونکي د څارويو ساتلو ځاى ته داخل شوى او بيا يې لس څاروي له منځه وړي او په هغه ځاى کې بند پاتې شوى چې بيا د سيمې د يوه اوسېدونکي له لوري چې سيمه ييز قوماندان دى؛ د کلاشينکوف په وسيله ښکار کړى دى.

د بدخشان د چاپېريال ساتنې ادارې مشر غلام نبي سرفراز وويل چې ياد پړانګ يوه شپه وړاندې هم د زيباک ولسوالۍ په مرکز اسيک سيمه کې د څارويو ساتلو يوه ځاى ته داخل شوى و او هلته يې هم ٦٠ څاروي وژلي او ټپيان کړي وو.

هغه زياته کړه: "موږ دغه موضوع د تعقيب په موخه زيباک کې له سيمه ييزو چارواکو سره مطرح کړه، څو د ياد پړانګ د ښکار په اړه څېړنه وکړي."

د بدخشان د چاپېريال ساتنې ادارې مشر وويل چې دغه موضوع يې په کابل کې د سيمه ييزو ارګانونو له رياست او چاپېريال ساتنې ادارې سره هم شريکه کړې ده.

د بدخشان د والي وياند نېک محمد نظري وويل، والي د زيباک سيمه ييزو چارواکو ته سپارښتنه کړې چې دغه موضوع له خپلو جزئياتو سره يو ځاى وڅېړي او د څېړنو پايلې د بدخشان له ولايت سره شريکې کړي.

د زيباک ولسوالۍ ادارې سرپرست محمد اصف وويل چې دغه پړانګ په درې پرله پسې شپو کې د خلکو له ٨٠ زيات څاروي داړلي او يا له منځه وړي نو د سيمې خلکو پر دوى د بريد له ډاره ياد پړانګ وژلى دى.

د بدخشان د پوليسو مطبوعاتي مسوول ثناءالله روحاني وايي، ياد کس چې دغه پړانګ يې ښکار کړى؛ غير مسوول وسله وال قوماندان دى او له نوموړي په شوو څېړنو کې راغلي چې ياد پړانګ د هغه ١٢ څاروي له منځه وړي چې په پايله کې ياد کار ته اړ شوى دى.