د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

د جاپان سفير له ننګرهار ولايت سره د ځانګړو مرستو ژمنه وکړه

د جاپان سفير له ننګرهار ولايت سره د ځانګړو مرستو ژمنه وکړه

Dec 15, 2017 - 14:16

جلال اباد (پژواک، ۲۴ ليندۍ۹۶):د ننګرهار چارواكي وايي،په افغانستان کې د جاپان سفير ورسره ژمنه کړې چې د کلیو پراختیا، کرنې او انرژۍ ادارو په چوکاټ کې ورته ځانګړې پروژې وركوي.

د ننګرهار ولايت د رسنيو دفتر څخه پژواک ته په راستول شوې خبرپاڼه کې راغلي چې په افغانستان کې د جاپان هېواد سفیر میتسوجي سوزوکا، د ننګرهار والي محمد ګلاب منګل سره د خپل کار په دفتر کې د لیندۍ په ۲۴مه ناسته وکړه.

خبرپاڼه زياتوي چې د دې ناستې پر مهال دواړو چارواکو د ننګرهار پر سیاسي، ټولنیز، اقتصادي، روغتیا، پوهنیز او نورو برخو په اړه خبرې اترې وکړې .

 د ننګرهار والي محمد ګلاب منګل په دې ولایت کې د جاپان هېواد په مرسته د ۴۲ بېلابېلو پروژو د پلي کېدو، ۱۴ ښوونځیو، دوه سړکونو او درې کلينیکونو د جوړولو له امله مننه وکړه.

هغه زیاته کړه، له کډوالۍ را ستنې شوې کورنۍ اتیا سلنه په ننګرهار کې مېشتې شوې دي او له همدې امله په ټولو سکتوري ادارو ځانګړي فشارونه رامنځته شوي چې د جاپان له هېواد څخه یې په دې او نورو برخو کې د مرستې غوښتنه وکړه.
په افغانستان کې د جاپان سفیر خوښي وښوده،چې په مستقیم ډول له دوی څخه د ولایت په کچه د مرستو غوښتنه کیږي او ژمنه یې وکړه چې د کلیو پراختیا او بیارغونې، کرنې او مالدارۍ او اوبو او انرژۍ وزارتونو په چوکاټ کې به په لومړیتوب کې ننګرهار ته پروژې ورکړي.