د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

د هلمند چارواکي: د ګرشک ولسوالۍ جګړه لا هم روانه ده

د هلمند چارواکي: د ګرشک ولسوالۍ جګړه لا هم روانه ده

Jul 20, 2017 - 20:46

لښکرګاه (پژواک ٢٩ چنګاښ ۹۶): د هلمند چارواکي وايي، که څه هم د ګرشک ولسوالۍ د جګړې شدت کم شوى دى، خو بيا هم په ځينو سيمو کې ډزې روانې دي.

د هلمند د والي وياند عمر ځواک، پژواک خبري اژانس ته وويل، دغه جګړه چې تېره شپه د وسله والو طالبانو له خوا د ولسوالۍ د مرکز د نيولو په موخه په ډله ييز ډول پيل شوې ده، اوس (د ماخوستن اته بجې) هم دوام لري، خو شدت يې کم شوى دى.

ده زياته کړه، طالبان پر مخامخ جګړې سربېره، پنځه هاموې موټر له چاودېدونکو توکو ډک کړي، چې څلور موخو ته له رسېدو مخکې په هوايي او ځمکنيو بريدونو کې له منځه تللي او يو هاموې هدف ته رسېدلى، چې دوه پوليس په کې وژل شوي او شپږ نور ژوبل دي.

د هغه په وينا، په ده ادم خان سيمه کې جګړه کنټرول شوې، خو په اب شک او سربند سيمو کې دوام لري او امنيتي مسوولين يې په کابو کولو بوخت دي.

د والي وياند وايي، اته ځايه هوايي بريدونه شوي چې مخالفينو ته يې ګڼه مرګ ژوبله اړولې، دغه راز امنيتي ځواکونه هم تلفات لري، خو کره شمېره يې نه ده معلومه.

بل خوا د امنيه قومندانۍ وياند دوهم څارن عبدالسلام افغان وايي، په ګرشک کې د ستونزو مخه نيول شوې او ١٨ طالبان وژل شوي او ١٨ نور ټپيان دي.

نوموړي هم د امنيتي ځواکونو د مرګ ژوبلې په اړه څه ونه ويل.

د وسله والو طالبانو وياند قاري يوسف احمدي بيا وايي، په ګرشک کې يې د امنيتي ځواکونو خطونه مات کړي، د موټربم او مخامخ بريدونو په ترڅ کې يې چې اوس هم دوام لري، حکومتي سرتېرو ته درنه مرګ ژوبله اړولې ده.

ګرشک د لښکرګاه ښار په ٤٠ کيلومترۍ کې شمال لور ته موقعيت لري، چې د کابل – هرات لويه لاره هم په کې تېره شوې ده.

بل خوا د ولايت له مطبوعاتي دفتر څخه په خپره شوې خبرپاڼه کې راغلي، چې له نن له غرمې وروسته د ګرمسېر ولسوالۍ په ژړي سيمې کې د طالبانو په يوه پټنځاى هوايي بريد کې ١٩ طالبان وژل شوي او ٣١ ټپيان دي.

سرچينه زياتوي، د مخالفينو ٧ موټر هم ويجاړ شوي دي.

Tags: